+0 به يه ن
مفعول مفاعيل مفاعيل فعولن ( بحر هزج مثمن ا خرب مكفوف محذوف)
( گوزل لرده گرفتار )
اي دوست دولانما بيله افسرده گرفتار
معشوق اودينا گل ياناق هر يرده گرفتار
كيمدور بيله خوشگل بزيه دشت و دياري
كيمدور ايدن آي اولدوزي گولرده گرفتار
تنها اودي مشاطه تماشالي جهانه
قدرت الينه خارده گل پرده ،گرفتار
باغلاندي گوگل زلفينه يارين ساوالاندا
شاد اولسا دا ،يا غم زده، غملرده گرفتار
اولموش بو گوزل ناحيه ده محو جمالي
بو قلب پريشانيله گوزلرده گرفتار
بير تك گوزلين بنده سي دورعارف وعامي
ميخانه ده هم مسجد و منبرده گرفتار
زاهد ده اونون اولدي گرفتار جلالي
تقوالي ده، هم بي سر و پيكرده گرفتار
محو اولمالي دور دولت حسننده تماشا
سردار جهان گيرده ،سرور ده گرفتار
عالم ده چوباندا، دلي ده، عقلي اولاندا
شاهلار، اونگون بخت گدالرده گرفتار
مقهوردي فرعون اونا نمرود زماندا
موساي نبي نوح پيامبرده گرفتار
جيران باخيش انساندا مارال مثلي جواندا
سنبل كيمي تئل بال كيمي لب لرده گرفتار
گونده گيجه ده هفته ده آخشام دا سحرده
دوران زمان عالم محشرده گرفتار
داغلاردره لر وادي و جنگل قاراداشلار
چركين سايلان لار دا گوزل لرده گرفتار
عارف اودي كه درك ائده بو عالم و آدم
اول ده اونا بنده دي آخرده گرفتار
قارون كيمي لر گئتدي له حسرتله النده
روشن ديورم من سوزي مين درده گرفتار
سلمان دا ايدوبدور اوزيني لايق ديدار
هم دهرده هم عالم ديگرده گرفتار
اوز باشينه امكاني يوخ آشسين ساوالاني
بير يولدي دوشوب گئدمگه ائل لرده گرفتار
شاداولماق اگر ايستيه سن زلف نگاري
دوت همتي اولما داخي نامرده گرفتار
كفراولسااگرزلف نگاري اله آلماق
قوي اولسون ائله بنده كافرده گرفتار
10/3/1369
گؤنده ر
بؤلوم لر: